跟進元旦bb缺氧事件

尋朝早本來約好左李偉峰奧運站派傳單，跟住到一號銀海對出的位置，同一位船東傾下點去減少浮躉產生的聲浪。

但系佢要有更多嘅時間去準備元旦BB醫療事故的會議，提早時間同BB家屬先會面，所以就冇去到派單張同巡區，要同船東講唔好意思。

李偉峰講派單張時候有居民專登行翻轉頭問我地點解反對將停車場改為商場，依家個地區好需要超級市場。

原因好簡單，因為港鐵冇承諾改劃後系做邊方面零售，超級市場、麵包店、售樓場、汽車展銷場都系零售，所以我地先反對，要港鐵提交更詳細資料，等居民再次考慮。我相信港鐵今次系解說唔到我地提出嘅問題，日後會重新包裝個計劃，再提出申請。

關於浮躉方面，船東初步做左d措施，試左幾種潤滑油，加左車軚墊起浮橋，農曆假期過後會將鐵鏈加上膠套，減少部份聲浪。

而朝早同院方會面中，我地得到更多有幫助BB嘅資料，再等報告出左之後，會同BB家屬傾下一步點做。